ព្យុះកេតសាណានេះនឹងបង្កើនឥទ្ធិពលទៅជាខ្យល់ព្យុះកំបុតត្បូងនៅ ថ្ងៃទី២៩-៣០ កញ្ញានេះ ដោយនឹងបន្ថែមល្បឿនដល់ទៅជាង១០០គីឡូម៉ែត្រក្នុងមួយម៉ោង។ ការនេះនឹងធ្វើឲ្យមានភ្លៀងផ្គរនិងរន្ទះខ្លាំងហើយច្រើននៅស្ទើរ គ្រប់ទីកន្លែង ជាពិសេសនៅខេត្តក្នុងតំបន់ភាគឦសាន ដូចជារតនគិរី មណ្ឌលគិរី ស្ទឹងត្រែង ក្រចេះ កំពង់ចាមនិងកំពង់ធំ និងតំបន់ភាគពាយព្យនៃប្រទេស និងជុំវិញបឹងទន្លេសាប រួមមានខេត្តកំពង់ចាម កំពង់ឆ្នាំង ពោធិ៍សាត់ បាត់ដំបង ប៉ៃលិន កំពង់ធំ បន្ទាយមានជ័យ សៀមរាប ព្រះវិហារ ឧត្តរមានជ័យ និងកំពង់ធំ។ ខ្យល់ព្យុះកំបុតត្បូងកេតសាណាក៏នឹង ប៉ះពាល់ខេត្តតាមឆ្នេរសមុទ្រផងដែរ រួមមានខេត្តកោះកុង ព្រះសីហនុ កំពត និងកែប។ រលកសមុទ្រអាចមានកម្ពស់១ម៉ែត្រទៅ២ម៉ែត្រ។
ក្រសួងធនធានទឹកនិងឧតុនិយមក៏តឿនថែមទៀតថា ក្នុងស្ថានភាពបែបនេះ ទឹកទន្លេមេកុងនឹងអាចឡើងជាបន្តបន្ទាប់ហើយអាចមានជំនន់ទឹកភ្លៀង ផង។
នៅចំពោះមុខគ្រោះអាសន្ននេះ លោកនាយករដ្ឋមន្ត្រី ហ៊ុន សែន ក៏បានចេញសេចក្តីណែនាំដល់ក្រសួងនិងស្ថាប័នពាក់ព័ន្ធ ជាពិសេសអាជ្ញាធរដែនដីនៃបណ្តាខេត្តដូចដែលបានរៀបរាប់ខាងលើថា ត្រូវបង្កើនការយកចិត្តទុកដាក់និងមានវិធានការត្រៀមទុកជាមុនតាម គ្រប់មធ្យោបាយដើម្បីកាត់បន្ថយឲ្យបានជាអតិបរមានូវការខូចខាតនានា ដែលអាចកើតមានជាយថាហេតុ។
យោងតាមព័ត៌មានពីទីក្រុងម៉ានីល ប្រទេសហ្វីលិពីន មានមនុស្សជិត១០០នាក់បានស្លាប់ហើយជាច្រើននាក់ទៀតបាត់ខ្លួនកាល ពីថ្ងៃច័ន្ទម្សិលមិញ ដោយសារខ្យល់ព្យុះកំបុតត្បូងឈ្មោះកេតសាណានេះ។
នៅរដ្ឋធានីប្រទេសហ្វីលិពីន ពលរដ្ឋជាង៣០ម៉ឺននាក់បានត្រូវបាត់ជម្រក ហើយរាប់ពាន់នាក់បានត្រូវជម្លៀសទៅកាន់ទីសុវត្ថិភាព ខណៈដែលព្យុះកេតសាណាបន្តបក់កញ្ជ្រោលចូលមកពីសមុទ្រចិនខាងត្បូង។
ក្រុមការពារបរិស្ថានឈ្មោះ Greenpeace បានរាយការណ៍ថា ខ្យល់ព្យុះនេះបានធ្វើឲ្យទឹកជន់លិចទីក្រុងម៉ានីលអស់ប្រមាណ៨០%៕
………………………………………………………………………………..
Copyright © 1998-2009 Radio Free Asia. All rights reserved.
ជំនួយការរបស់ស្នងការនគរបាលខេត្តឧត្តរមានជ័យ លោកឡឹក សុខា បានមានប្រសាសន៍កាលពីព្រឹកថ្ងៃច័ន្ទ ទី២៨ ខែកញ្ញា ថា កាលពី ២ថ្ងៃមុន ប៉ូលិសព្រហ្មទណ្ឌរបស់ខេត្តនិងប៉ូលិសក្រុងសំរោង មួយចំនួន បានបញ្ជូនទៅដល់ភូមិខ្មែរដែលមានម្នាក់ស្លាប់និងម្នាក់រងរបួស ដើម្បីស្វែងរកជួបប្រជាពលរដ្ឋចំនួន ១១នាក់ ដែលបានរត់រួចពីការបាញ់រះរបស់ទាហានថៃ ដើម្បីឲ្យពួកគេបំភ្លឺពីហេតុការណ៍បានឃើញផ្ទាល់ភ្នែក ថាតើក្រុមទាហានថៃមួយក្រុមពិតជាបានដុតសម្លាប់ប្រជាពលរដ្ឋខ្មែរ ម្នាក់ទាំងរស់ កាលពីថ្ងៃទី ១១ ខែកញ្ញា កន្លងមក ឬយ៉ាងណា?
លោក ឡឹក សុខា មានប្រសាសន៍ដូច្នេះ ៖ «ក្នុងចំណោមជនរងគ្រោះ ១២នាក់ហ្នឹង មានខ្លះគាត់បានឃើញទាហានប៉ារ៉ាថៃ បាញ់សង្កត់កអ្នករបួស កន្លែងដែលដុតហ្នឹង ប៉ុន្តែត្រង់ហេតុការណ៍ដែលឃើញថាដុតផ្ទាល់ គាត់មិនបានឃើញផ្ទាល់ ព្រោះអីគាត់រត់»។
អភិបាលខេត្តឧត្តរមានជ័យ លោក ប៉ិច សុខិន បានមានប្រសាសន៍ថា ចំណាត់ការរបស់ប៉ូលិសនោះ គឺជាការប្រមូលឯកសារទុក ហើយឯកសារទាំងឡាយពិបាកប្រមូល ដោយសារមិនបានជុំ ពីព្រោះកន្លែងកើតហេតុបាននៅក្នុងទឹកដីថៃ ប៉ុន្តែទោះយ៉ាងណាសមត្ថកិច្ចខេត្តនេះនៅតែប្រឹងប្រែង ប្រមូលរកឯកសារទៅទៀត។
លោក ប៉ិច សុខិន មានប្រសាសន៍ដូច្នេះថា ៖ «ព័ត៌មានខ្លះយើងពិបាក វានៅទឹកដីរបស់ថៃ ហើយយើងអាចដឹងបានពីសាក្សីដឹងឮ បានឃើញផ្ទាល់ពិបាកដែរ»។
អាជ្ញាធរខេត្តឧត្តរមានជ័យ បានឲ្យដឹងថា ពេលណាឯកសារនិងភស្តុតាងជុំវិញការបាញ់រះរបស់ទាហានថៃ មកលើប្រជាពលរដ្ឋខ្មែរត្រូវបានប្រមូលរួចរាល់ គេនឹងដាក់ជូនទៅរដ្ឋាភិបាល។
សូមបញ្ជាក់ថាការចាប់ផ្តើមស៊ើបអង្កេតទៅលើហេតុការណ៍ទាហានថៃ បាញ់រះមកលើប្រជាពលរដ្ឋខ្មែរម្នាក់ស្លាប់ និងមា្នក់ទៀតរងរបួសនេះ បានចាប់ផ្តើមឡើងបន្ទាប់ពីសប្តាហ៍មុន ដែលមន្ត្រី ការបរទេសថៃ បានផ្ញើកំណត់ហេតុការទូតឆ្លើយតបជាផ្លូវការមកក្រសួងការបរទេស ខ្មែរវិញ ដោយបដិសេធថាទាហានថៃមិនបានធ្វើប្រតិបត្តិការនៅទីនោះទេនាថ្ងៃ កើតហេតុ ហើយក្រសួងការបរទេសខ្មែរនៅតែជំរុញឲ្យអាជ្ញាធរខេត្តឧត្តរមានជ័យ និងស្ថានកុងស៊ុលខ្មែរប្រចាំនៅខេត្តសុរិន្ទរបស់ថៃ ប្រឹងប្រែងរកភស្តុតាងនិងឯកសារបន្ថែមទៀតនោះ។
កាលពីថ្ងៃទី១១ ខែកញ្ញា កន្លងមក ប្រជាពលរដ្ឋខ្មែរចំនួន ១២នាក់ នៅភូមិក្រូចសាខន និងភូមិស្រះព្រិច បាននាំគ្នាឆ្លងចូលព្រំដែនថៃ ដើម្បីកាប់ឈើគ្រញូងមកលក់ដូរ ហើយទាហានថៃមួយក្រុមនៃខេត្តសុរិន្ទ បានបាញ់រះបណ្តាលឲ្យអ្នកភូមិខ្មែរម្នាក់រងរបួស និងម្នាក់ទៀតស្លាប់ដោយមានការដុតឆេះ ដែលគេចោទប្រកាន់ថាទាហានថៃបានដុតសម្លាប់ជនស៊ីវិលខ្មែរទាំងរស់។
មេបញ្ជាការយោធភូមិភាគទី២ របស់ថៃ លោក វិប៊ុន សក្តិនីផាន បានបដិសេធចោលបញ្ហានេះកាលពីពាក់កណ្តាលខែកញ្ញា កន្លងមក៕
……………………………………………………………………………………
Copyright © 1998-2009 Radio Free Asia. All rights reserved.
កញ្ញា សោម ស៊ីរ៉ា ជានិស្សិតនៃមហាវិទ្យាល័យឯកជនមួយក្នុងទីក្រុងភ្នំពេញ ដែលបានចូលរួមក្នុងកម្មវិធីនោះ បានថ្លែងថា បើទោះបីជាប្រទេសកម្ពុជាបានរងផលប៉ះពាល់បន្តិចបន្តួចក៏ដោយ ក៏យុវជនមានការបារម្ភដោយសារតែគ្រោះធម្មជាតិធ្លាប់បានធ្វើឲ្យ ប៉ះពាល់ដល់ការរស់នៅរបស់ប្រជាពលរដ្ឋនិងការប្រកបរបរចិញ្ចឹមជីវិត របស់ពួកគាត់នោះ។
១៣-កញ្ញា-២០០៩: ទឹក ជំនន់ នៅ ក្នុង ឃុំ ត្នោត ស្រុក បារាយណ៍ ខែត្រ កំពង់ធំ។
កញ្ញា សោម ស៊ីរ៉ា បានឲ្យដឹងថា ៖ «ការផ្លាស់ប្ដូរអាកាសធាតុ ហ្នឹងវាធ្វើឲ្យយើងប្លែកពីមួយឆ្នាំទៅមួយឆ្នាំ ភ្លៀងក៏ខុសរដូវ ហើយកម្ដៅបើសិនជាក្ដៅ ក្ដៅមែនទែន ដល់ពេលអ៊ីចឹងធ្វើឲ្យជំងឺប្លែកៗចេះតែកើតមានឡើង។ បន្តិចទៀតហ្នឹង ទាក់ទងទៅនឹងផលកសិកម្មយើងដែរ អ៊ីចឹងវាជួបប្រទះបញ្ហាពិបាកដែរ។ បច្ចុប្បន្នស្រុកមួយចំនួនលិចទឹក ស្រុកមួយចំនួនរាំងស្ងួត»។
លោក ស៊ន សុផាត ប្រធានគម្រោងគ្រោះធម្មជាតិនៃអង្គការកម្មវិធីអភិវឌ្ឍន៍ធនធានយុវជន បានមានប្រសាសន៍នៅថ្ងៃទី២៧ ខែកញ្ញា ឆ្នាំ២០០៩ ឲ្យដឹងថា ក្រុមយុវជនកម្ពុជាភាគច្រើនបានចាប់ផ្ដើមស្វែងយល់អំពីគ្រោះ មហន្តរាយដែលបង្កឡើងដោយមនុស្សនិងធម្មជាតិដែលធ្វើឲ្យប៉ះពាល់ដល់ បញ្ហាបរិស្ថាន បញ្ហាសង្គម និងប៉ះពាល់ដល់ការរស់នៅរបស់ប្រជាពលរដ្ឋ។
លោក ស៊ន សុផាត បានមានប្រសាសន៍ថា ៖ «នៅពេលដែលយុវជនគាត់ទទួល បានព័ត៌មាន គាត់យល់ដឹងពីគ្រោះមហន្តរាយហ្នឹង ការផ្សព្វផ្សាយព័ត៌មានរបស់គាត់បានទូលំទូលាយ អ៊ីចឹងវាជាប្រយោជន៍មួយដែលធ្វើឲ្យប្រជាជនទទួលបានព័ត៌មានផ្សេងៗ ទាក់ទងនឹងការទប់ស្កាត់ ទាក់ទងការដោះស្រាយបញ្ហាហ្នឹង ត្រូវដោះស្រាយយ៉ាងម៉េច ធ្វើយ៉ាងម៉េច។ ធម្មតាតែពេលមានគ្រោះមហន្តរាយកើតឡើងវាមិនមែនប៉ះពាល់តែប្រជាជន ទេ វាអាចប៉ះពាល់ដល់យុវជនយើង ព្រោះអីយុវជនជាកូនរបស់ប្រជាជនដែរ»។
ចំណែកឯ លោក ប៉ុន ណារិទ្ធ អគ្គលេខាធិការរងនៃគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍ថា គ្រោះធម្មជាតិដែលធ្លាប់កើតមានឡើងនៅក្នុងប្រទេសកម្ពុជានោះមាន គ្រោះទឹកជំនន់ គ្រោះរាំងស្ងួត និងខ្យល់ព្យុះជាដើម។
បើទោះបីជារដ្ឋាភិបាលបានប្រឹងប្រែងជួយដល់ប្រជាពលរដ្ឋ តែគ្រោះធម្មជាតិនេះបានធ្វើឲ្យប៉ះពាល់ការរស់នៅ ប៉ះពាល់ដល់របរកសិកម្មនិងទ្រព្យសម្បត្តិរបស់ប្រជាពលរដ្ឋ រួមទាំងប៉ះពាល់ដល់ការចំណាយរបស់រដ្ឋាភិបាលនិងការអភិវឌ្ឍរបស់រដ្ឋ ផ្សេងៗទៀត។
សូមបញ្ជាក់ថា កាលពីឆ្នាំ២០០០ ប្រទេសកម្ពុជាធ្លាប់ទទួលរងគ្រោះដោយគ្រោះទឹកជំនន់នៅតាមបណ្ដា ខេត្តមួយចំនួននិងបណ្ដោយដងទន្លេមេគង្គ ដែលធ្វើឲ្យខូចខាតទ្រព្យសម្បត្តិគិតជាប្រាក់ប្រមាណជា២៥០លាន ដុល្លារសហរដ្ឋអាមេរិក ហើយក្នុងឆ្នាំ២០០៩នេះ ខេត្តមួយចំនួននៃប្រទេសកម្ពុជាបានជួបគ្រោះធម្មជាតិ ដូចជាទឹកជំនន់នៅខេត្តកំពត ខេត្តកំពង់ធំ ខេត្តព្រះវិហារ ខេត្តរតនគិរី ហើយនិងគ្រោះទឹកជំនន់ផងនិងគ្រោះរាំងស្ងួតផងនៅក្នុងខេត្ត កំពង់ស្ពឺ។
ការកើតឡើងនៃគ្រោះធម្មជាតិនេះត្រូវមន្រ្តីអង្គការនានារិះគន់ ថា ដោយសារតែមានការកាប់បំផ្លាញព្រៃឈើយ៉ាងអនាធិបតេយ្យដែលមិនមានការ បង្រ្កាប៕
……………………………………………………………………………..
Copyright © 1998-2009 Radio Free Asia. All rights reserved.
លោក ទឹម ម៉ី អាយុ៤៥ឆ្នាំ តំណាងអ្នកភូមិ បានថ្លែងនៅព្រឹកថ្ងៃអាទិត្យ ទី២៧ ខែកញ្ញា ថា ប្រជាពលរដ្ឋចំនួន១៤០គ្រួសារនៅក្នុងភូមិចម្លងរម៉ាំងលើ ឃុំអូរសំរិល ស្រុកសំឡូត ខេត្តបាត់ដំបង បានដាច់ស្បៀងជាបណ្តើរៗហើយចាប់តាំងពីអំឡុងខែសីហារហូតដល់ខែ កញ្ញា ឆ្នាំ២០០៩ ដោយសារបញ្ហាកង្វះដីធ្លីនិងកង្វះការងារធ្វើក្នុងមូលដ្ឋាន។
ផ្ទះ របស់ ពលរដ្ឋ នៅ ភូមិ ជិនសារ ស្រុក ស្វាយជ្រុំ ខេត្ត ស្វាយរៀង។
លោក ទឹម ម៉ី បានឲ្យដឹងថា ៖ «ទាំងអស់ហ្នឹងវា១៤០គ្រួសារ។ ខ្ញុំអំពាវនាវឲ្យអង្គការឬមួយរដ្ឋាភិបាលជួយដោះស្រាយឲ្យពលរដ្ឋនៅក្នុងភូមិនេះ»។
លោកបន្តថា ក្រុមអ្នកភូមិដែលកំពុងប្រឈមទៅនឹងការដាច់ស្បៀងក្នុងមូលដ្ឋានខាង លើគឺជាអ្នកចំណាកស្រុកមកពីខេត្តក្រុងផ្សេងៗគ្នាក្នុងប្រទេស កម្ពុជា មានដីធ្លីតិចតួចដាំពោតនិងល្ង មិនអាចធ្វើដំណាំស្រូវបាន ហើយដីបង្កបង្កើនផលរបស់ក្រុមអ្នកភូមិទាំងនោះក៏កំពុងមានទំនាស់ ជាមួយក្រុមហ៊ុនឯកជនរបស់កូរ៉េមិនស្គាល់ឈ្មោះមួយនិងមន្ត្រីយោធានៅ តំបន់នោះ។
ដើម្បីដោះទ័លពីបញ្ហាដាច់ស្បៀង លោកស្រី សែន វ៉ាន់ ក៏ដូចជាអ្នកភូមិផ្សេងទៀតបានថ្លែងថា ៖ «អ្នក ខ្លះក៏ដើររាវខ្ចៅរាវខ្យងអីអ៊ីចឹងទៅ។ ខ្លះទៅស៊ីឈ្នួលគេបានមួយថ្ងៃពីរថ្ងៃអីអ៊ីចឹងទៅ។ អ្នកខ្លះអត់ខ្លាំងក៏មកសុំប្រហុកអំបិលអ្នកណាគេមានអាចថាដោះ កុនបាន ចេះតែដោះដូរជួយគ្នាអ៊ីចឹងទៅ។ ខ្លះក៏ដើរជីកកណ្តុរ… យកមកហូប អត់មែនទែន!»។
ចំណែកឯ លោក ចាន់ ជួន អ្នកភូមិម្នាក់ទៀត បានបន្ថែមថា ៖ «រាល់ ថ្ងៃហ្នឹងអ្នកខ្លះខ្ចីគ្នាហូបខ្លះ អ្នកខ្លះគេមាន យើងខ្ចីគេហូបខ្លះ ជួនកាលចងការគេ ដូចជាដាក់ពោតដាក់អីដើម្បីយកលុយហ្នឹងទៅទិញអង្ករឬក៏ដាក់ពោត ដូរអង្ករគេហូប»។
លោក គឹម ឆន មេភូមិចម្លងរម៉ាំងលើ បានថ្លែងថា នៅក្នុងភូមិមានប្រជាពលរដ្ឋចំនួន១៧៧គ្រួសារ ប៉ុន្តែចំនួនប្រជាពលរដ្ឋជាង១០០គ្រួសារផ្សេងទៀតដែលបានធ្វើចំណាក ស្រុកទៅទីនោះពិតជាមានបញ្ហាកង្វះស្បៀងមែន។
លោក អិន សៅឫទ្ធិ អភិបាលរងស្រុកសំឡូត បានថ្លែងថា លោកបានដឹងហើយពីបញ្ហាកង្វះស្បៀងរបស់អ្នកភូមិ ហើយក៏កំពុងរង់ចាំស្ថិតិពិតប្រាកដបញ្ជូនមកខេត្តដើម្បីសុំជួយ ផ្តល់ឲ្យអ្នកភូមិ។
លោក ប្រាជ្ញ ច័ន្ទ អភិបាលខេត្តបាត់ដំបង មិនអាចទាក់ទងបានទេដើម្បីសុំការបញ្ជាក់ថា តើខេត្តមានវិធានការយ៉ាងណាជុំវិញកង្វះស្បៀងរបស់អ្នកភូមិខាងលើ នេះ។ ប៉ុន្តែ លោក យិន ម៉េងលី មន្ត្រីស៊ើបអង្កេតនៃសមាគមការពារសិទ្ធិមនុស្សអាដហុក បានថ្លែងថា ៖ «អ៊ីចឹងអាជ្ញាធរត្រូវតែយកចិត្តទុកដាក់ មិនត្រូវអូសបន្លាយពេលវេលាទេ យើងត្រូវជួយគាត់ជាបន្ទាន់សិន ទម្រាំគាត់ទទួលបានដីត្រឹមត្រូវសម្រាប់បង្កបង្កើនផលចិញ្ចឹមជីវិត របស់គាត់»។
គួរបញ្ជាក់ថា កាលពីដើមឆ្នាំ២០០៩នេះ ប្រជាពលរដ្ឋជាច្រើនរយគ្រួសារនៅក្នុងស្រុកបវេល ខេត្តបាត់ដំបង ក៏ធ្លាប់ទទួលរងកង្វះស្បៀងអាហារដូចករណីខាងលើនេះដែរ ដោយសារពួកគេមិនមានដីស្រែបង្កបង្កើនផលគ្រប់គ្រាន់៕
………………………………………………………………………….
Copyright © 1998-2009 Radio Free Asia. All rights reserved.
លោក យឹម សុវណ្ណ តំណាងរាស្រ្តគណបក្សសមរង្ស៊ីនិងជាមន្រ្តីអ្នកនាំពាក្យផងដែរនេះ បានមានប្រសាសន៍បញ្ជាក់ថា ការវិលត្រទ្បប់មកវិញរបស់លោកស្រី មូរ សុខហួរ ជារឿងធម្មតា។
លោកស្រី មូរ សុខហួរ លើក ដៃ ស្វាគមន៍ អ្នក គាំទ្រ លោកស្រី ដែល ប្រមូល ផ្ដុំ គ្នា នៅ មុខ សាលា ដំបូង រាជ ធានី ភ្នំពេញ នា ថ្ងៃ ២៤ កក្កដា ២០០៩។
លោក យឹម សុវណ្ណ ថ្លែងយ៉ាងដូច្នេះ ៖ «គាត់ទៅមកបំពេញការងារ ធម្មតា ជាអ្នកតំណាងរាស្រ្ដនៃប្រទេសកម្ពុជា គាត់អញ្ជើញត្រឡប់មកវិញ ពីបេសកកម្មនៅក្រៅប្រទេស ហើយសភានឹងបើកប្រជុំក្នុងពេលឆាប់ៗ ដូច្នេះគាត់នឹងចូលរួមក្នុងកិច្ចការសភា បម្រើប្រជាពលរដ្ឋទៅតាមតែអ្វីដែលជាតួនាទីភារកិច្ចរបស់អ្នកតំណាង រាស្រ្ដ»។
សុខ សេរី ៖ ចុះរឿងអភ័យឯកសិទ្ធិរបស់លោកស្រី? យឹម សុវណ្ណ ៖ «លោកស្រី មូរ សុខហួរ បន្តដាក់ពាក្យបណ្ដឹងទៅសាលាឧទ្ធរណ៍ រង់ចាំសេចក្ដីសម្រេចរបស់សាលាឧទ្ធរណ៍»។
ទាក់ទងនឹងការវិលត្រទ្បប់មកវិញរបស់លោកស្រី មូរ សុខហួរ នាពេលឆាប់ៗនេះ លោកឧត្តមសេនីយ៍ឯក ខៀវ សុភ័គ ជាមន្រ្តីអ្នកនាំពាក្យនៃក្រសួងមហាផៃ្ទប្រទេសកម្ពុជា បានមានប្រសាសន៍ថា លោកស្រី មូរ សុខហួរ មិនត្រូវមានការព្រួយបារម្ភអំពីសុវត្ថិភាពផ្ទាល់ខ្លួន ឬសន្តិសុខផ្ទាល់ខ្លួនទេ។
លោក ខៀវ សុភ័គ ថ្លែងដូច្នេះថា ៖ «គាត់ដូចប្រជាពលរដ្ឋធម្មតា ព្រោះគាត់មិនទាន់ត្រូវបានសភាប្រគល់អភ័យឯកសិទ្ធិជូននៅឡើយទេ។ ចំពោះរឿងខ្ញុំមិនព្រួយបារម្ភទេ ប៉ុន្តែបើគាត់ព្រួយអាស្រ័យលើគាត់ ធម្មតាគាត់ដូចប្រជាពលរដ្ឋយើង ១៣-១៤លាននាក់ ការការពារសុវត្ថិភាពមានដូចគ្នា»។
លោក ចាន់ សុវ៉េត ជាមន្រ្តីស៊ើបអង្កេតនៃអង្គការសិទ្ធិមនុស្សក្រៅរដ្ឋាភិបាលមួយហៅ កាត់ថា អាដហុក បានមានប្រសាសន៍អត្ថាធិប្បាយថា ៖ «បើសិនជាយ៉ាងណា ក៏ដោយ ពាក់ព័ន្ធជាមួយនឹងបញ្ហាសុវត្ថិភាពរបស់មន្រ្តីនយោបាយរបស់គណបក្សនិង មន្រ្តីសង្គមស៊ីវិល វាជារឿងមួយដែលជាកាតព្វកិច្ចរបស់រាជរដ្ឋាភិបាលកម្ពុជា ក្នុងកិច្ចការពារដល់សន្តិសុខដល់ពួកគាត់»។
សូមជម្រាបថា លោកស្រី មូរ សុខហួរ តំណាងរាស្រ្តគណបក្សសមរង្ស៊ីមណ្ឌលខេត្តកំពត ត្រូវបានសភាជាតិបានលើកអភ័យឯកសិទ្ធិជាតំណាងរាស្រ្តកាលពីថៃ្ងទី ២២ ខែមិថុនា កន្លងទៅ ជាមួយនឹងលោក ហូ វ៉ាន់ ជាតំណាងរាស្រ្តគណបក្សសមរង្ស៊ីផងដែរ។
ក្រោយមក តុលាការសាលាដំបូងរាជធានីភ្នំពេញ បានកាត់ទោសកំបាំងមុខ កាលពីថៃ្ងទី៤ ខែសីហា កន្លងទៅ ឲ្យលោកស្រីបង់ប្រាក់សំណងជំងឺចិត្តចំនួន១៦លាន៥សែនរៀល ក្រោមបទបរិហារកេរ្តិ៍ ប្តឹងដោយលោកនាយករដ្ឋមន្រ្តី ហ៊ុន សែន។
លោកស្រីបានប្តឹងទាស់ទៅនឹងសាលក្រមនេះ ភ្លាមៗក្រោយពីការប្រកាសសាលក្រមដោយគ្មានមេធាវីការពារនោះ។
លោកស្រីបានចាកចេញពីប្រទេសកម្ពុជា ទៅសហរដ្ឋអាមេរិក កាលពីថៃ្ងទី៥ ខែសីហា កន្លងទៅ ដើម្បីបេសកកម្មផងនិងរឿងផ្ទាល់ខ្លួនផង។
លោកស្រីចូលរួមក្នុងសវនាការរបស់គណៈកម្មការសិទ្ធិមនុស្សនៃសភា អាមេរិក ថៃ្ងទី១០ ខែកញ្ញាកន្លងទៅ នៅក្នុងទីក្រុងវ៉ាស៊ិនតោន សហរដ្ឋអាមេរិក ជាមួយលោកស្រី ពុង ឈីវកេក ប្រធានអង្គការសិទ្ធិមនុស្សលីកាដូ និងលោក មឿន តុលា ប្រធានកម្មវិធីពលកម្មនៃមណ្ឌលអប់រំច្បាប់សហគមន៍។
លោកស្រី មូរ សុខហួរ បានរិះគន់ដំណើរការអនុវត្តលទ្ធិប្រជាធិបតេយ្យនៅក្នុងប្រទេសកម្ពុជា ក្នុងសវនាការនោះ និងបានរិះគន់សិទ្ធិសេរីភាពក្នុងការបញ្ចេញមតិ ដែលបានឲ្យមានការធ្វើប្រតិកម្មជាច្រើន ពីមន្រ្តីជាន់ខ្ពស់នៅក្នុងរដ្ឋាភិបាលកម្ពុជា៕
……………………………………………………………………
Copyright © 1998-2009 Radio Free Asia. All rights reserved.
សកម្មភាព នៅ ក្នុង អង្គសិក្ខាសាលា នា វិមាន រដ្ឋ សភា
ក្នុងអង្គសិក្ខាសាលា បានប្រារព្ធធ្វើឡើង នៅសាលសន្និសីទនៃវិមានរដ្ឋសភាកាលពីថ្ងៃទី២៣ ខែកញ្ញា ឆ្នាំ២០០៩ ក្រោមអធិបតី សម្ដេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា និងមានការអញ្ជើញចូលរួមពីវាគ្មិន តំណាងព្រឹទ្ធសភា- រដ្ឋសភា តំណាងអង្គទូត អង្គការសង្គមស៊ីវិលជាតិ និងអន្តរជាតិ។ លោក អង្គ វង្សវឌ្ឍានា រដ្ឋមន្ត្រីក្រសួងយុត្តិធម៌ បានមានប្រសាសន៍ថា នៅក្នុងច្បាប់ស្ដីពីក្រមព្រហ្មទណ្ឌនេះ មានចែងយ៉ាងហោចណាស់ ចំនួន២០មាត្រា ស្ដីពី អំពើបទល្មើសបណ្ដាលមកពីអំពើពុករលួយ ដូចជានិយមន័យនៃបទល្មើសអំពើពុករលួយ និងទោសទណ្ឌ។ ទាក់ទងដល់ទោសប្បញ្ញត្តិ ចំពោះបទល្មើសបរិហារកេរ្តិ៍ លោករដ្ឋមន្ត្រី ក្រសួងយុត្តិធម៌ មានប្រសាសន៍ថា “បើបំពានលើកិត្តិយសគេហួសពីបរិហារកេរ្តិ៍នោះវាមានទោស ប៉ុន្តែបើគ្រាន់តែ បរិហារកេរ្តិ៍នេះគ្មាន ទោសទេ គ្រាន់តែត្រូវវិន័យឥតមានទោស ជាប់គុកទេ ហើយរឿងនេះសម្ដេចនាយករដ្ឋមន្ត្រី ក៏ធ្លាប់បានប្រាប់ឲ្យដកចេញតាំងពីយូរមកហើយ” លោករដ្ឋមន្ត្រីបន្តថា “លើកលែងតែជីកគាស់កកាយនាំឲ្យប៉ះពាល់កិត្តិយសគេនោះជាបញ្ហា ផ្សេង”។
លោក នី ចរិយា ប្រធានផ្នែកស៊ើបអង្កេត សហគមន៍ការពារសិទ្ធិមនុស្សអាដហុក ដែល បានចូលរួមក្នុងអង្គសិក្ខាសាលា បានលើកឡើងថា “នេះជាការប្រសើរ ដែលព្រឹទ្ធសភា រដ្ឋសភា រួមទាំងក្រសួងយុត្តិធម៌តំណាងឲ្យរាជរដ្ឋាភិបាល ចាប់ផ្ដើមផ្សព្វផ្សាយតាមរយៈរៀបចំ ឲ្យមានសិក្ខាសាលានេះឡើង ហើយអនុញ្ញាតឲ្យមានការចូលរួមពីតំណាង អង្គទូត និងអង្គការសង្គមស៊ីវិល ប៉ុន្តែនេះ គ្រាន់តែជាការបញ្ជ្រាបខ្លឹមសារច្បាប់ក្រមព្រហ្មទណ្ឌ និងធ្វើឲ្យយល់តាមខ្លឹមសារថ្លែងតែប៉ុណ្ណោះ”។ លោក នី ចរិយា បន្តថា “ក្នុងអង្គសិក្ខាសាលាគេសង្កេតឃើញក្រុមអង្គការសង្គមស៊ីវិល គ្មានឱកាស ប្រមូលផ្ដុំមតិយោបល់ ដើម្បីបញ្ចូលគំនិតលើសេចក្ដីព្រាងច្បាប់នេះទេ វាគ្រាន់តែជាការផ្សព្វផ្សាយប៉ុណ្ណោះមុនយកច្បាប់នេះទៅអនុម័ត”។ លោក នី ចរិយា បានហៅការផ្សព្វផ្សាយលើច្បាប់ក្រមព្រហ្មទណ្ឌក្នុងអង្គសិក្ខាសាលា នេះថា ជាការប្រញាប់ប្រញាល់ពេក។
ទោះជាយ៉ាងនេះក៏ដោយ សម្ដេចប្រធានរដ្ឋសភា បានមានប្រសាសន៍បញ្ជាក់ថា សិក្ខា សាលាលើកនេះ មានសារៈសំខាន់ណាស់ ព្រោះសេចក្ដីព្រាងក្រមនេះ គឺជាបណ្ដុំច្បាប់ អាទិភាពធំមួយទៀត ដែលប្រមូលផ្តុំនូវវិធាន ជាច្រើនសម្រាប់អនុវត្តនឹងបទល្មើសព្រហ្មទណ្ឌ ដែលបានកើតមានក្នុងសង្គមកម្ពុជា បច្ចុប្បន្ន ឬដែលអាចពាក់ព័ន្ធដល់កម្ពុជា។ ក្នុងកិច្ចប្រជុំសំខាន់ទាំង ៤ នឹងផ្ដោតការយកចិត្តទុកដាក់ដល់មូលដ្ឋានធំៗ និងគោលការណ៍ គ្រឹះមួយចំនួនពាក់ព័ន្ធ ដល់ច្បាប់ព្រហ្មទណ្ឌ ការទទួលខុសត្រូវព្រហ្មទណ្ឌប្រភេទនៃទោស ព្រហ្មទណ្ឌ និងរបបប្រកាសទោស។
សម្ដេចប្រធានរដ្ឋសភា មានប្រសាសន៍ បញ្ជាក់ទៀតថា សិក្ខាសាលាស្ដីពីដំណើរការ ស្វែងយល់សេចក្ដីព្រាងច្បាប់ក្រមព្រហ្មទណ្ឌ ដំណើរការប្រកបដោយលទ្ធផលល្អ ដោយ ផ្លាស់ប្ដូរមេរៀនពិសោធន៍ និងផ្តល់ព័ត៌មាន ដូរគ្នាទៅវិញទៅមក ទទួលបានមតិអនុសាសន៍ល្អៗបំពេញយោបល់បន្ថែម ធ្វើឲ្យក្រមនេះ ស្របតាមរដ្ឋធម្មនុញ្ញ នឹងគោលការណ៍គ្រឹះ នៃនីតិព្រហ្មទណ្ឌទូទៅនៅកម្ពុជា និងអន្តរជាតិ។
……………………………………………………………………
ប្រភពព័ត៌មាន៖ កាសែតដើមអំពិល ឆ្នាំទី៖ ០៣ លេខ៖ ២៩៣
ចេញផ្សាយ៖ ថ្ងៃព្រហស្បតិ៍ ទី២៤ ខែកញ្ញា ឆ្នាំ២០០៩
ដោយ៖ ជួន សុជាតិ
http://women.open.org.kh/km/nocorruptionlaw-havedraft-punish-corruptors
ទីភ្នាក់ព័ត៌មាន AFP បានស្រង់ប្រសាសន៍លោក ដេវិដ ខូវិន (David Cowen) មន្ត្រី IMF ដែលមកធ្វើទស្សនកិច្ចស្រុកខ្មែរដើម្បីវាយតម្លៃការអភិវឌ្ឍថា មុននេះ IMF ទស្សន៍ទាយថា សេដ្ឋកិច្ចខ្មែរឆ្នាំនេះធ្លាក់ចុះក្រោមសូន្យដល់-០,៥%នោះ តែឥឡូវមើលឃើញថា ធ្លាក់ចុះដល់-២,៧៥% ក្នុងពេលដែលផ្នែកខ្លះនៃសេដ្ឋកិច្ចដំណើរការមិនដូចការរំពឹងទុកមក នោះ។
កម្មករ កាត់ ដេរ នៅ ក្នុង រោងចក្រ មួយ ក្នុង ទីក្រុង ភ្នំពេញ។
លោកថា កត្តាចម្បងនៃសេដ្ឋកិច្ចខ្មែរមានការនាំចេញសម្លៀកបំពាក់ដេរស្រាប់ ទៅសហរដ្ឋអាមេរិកការចំណាយរបស់ភ្ញៀវបរទេសនិងការវិនិយោគទុនបរទេស លើផ្នែកសំណង់ធំៗបានត្រូវថយចុះខ្លាំង។
ក៏ប៉ុន្តែលោកបន្ថែមថា ការវិនិយោគលើផ្នែកផ្លូវថ្នល់ជនបទនិងខាងប្រព័ន្ធធារាសាស្ត្របាន ត្រូវរំពឹងថា នឹងបង្កើនផលិតផលកសិកម្ម៥%នៅឆ្នាំនេះ។
ព័ត៌មានបន្តថា ទោះបីជាប៉ុន្មានឆ្នាំមុនវិបត្តិសេដ្ឋកិច្ចសកលលោកនេះអត្រាកំណើន សេដ្ឋកិច្ចកម្ពុជាមានជាង១០%ក្តី ក៏កម្ពុជាជាប្រទេសមួយក្នុងចំណោមប្រទេសក្របំផុតក្នុងពិភពលោក។
អត្រាមនុស្សអត់ការងារធ្វើមានកម្រិតខ្ពស់និងប្រាក់ចំណូលទាប។ គឺអ្នកមានការងារធ្វើប្រមាណ៣៥%ក្នុងចំណោមមនុស្ស១៤លាននាក់រស់នៅ ដោយមានប្រាក់ចំណូល៥០សេនប្រាក់ដុល្លារអាមេរិកក្នុងមួយថ្ងៃ៕
………………………………………………………………………
Copyright © 1998-2009 Radio Free Asia. All rights reserved.
លោក Sowat Kaew Sook (សូវ៉ាត់ កែវស៊ុក) ទីប្រឹក្សាអមស្ថានទូតថៃប្រចាំកម្ពុជា បានមានប្រសាសន៍កាលពីព្រឹកថ្ងៃពុធ ទី២៣ ខែកញ្ញាថា ខេត្តសុរិន្ទរបស់ថៃមានទំនាក់ទំនងល្អជាមួយខេត្តឧត្តរមានជ័យ របស់ខ្មែរ ហើយក៏ចង់អញ្ជើញមន្ត្រីកសិកម្មនិងតំណាងកសិករខ្មែរ មកពីស្រុកមួយចំនួនមានស្រុកអន្លង់វែង ស្រុកត្រពាំងប្រាសាទនិងស្រុកបន្ទាយអំពិល ជាដើម ទៅធ្វើទស្សនកិច្ចសិក្សាផ្នែកកសិកម្មនៅខេត្តសុរិន្ទចំនួន៤ថ្ងៃ ដោយនាំទៅមើលកសិដ្ឋានកសិកម្មផ្សេងៗ គោលបំណងដើម្បីផ្លាស់ប្តូរបទពិសោធន៍គ្នានិងអភិវឌ្ឍន៍វិស័យកសិកម្ម នៅតាមតំបន់ព្រំដែនទាំងពីរជាមួយនឹងការសម្ដែងឲ្យឃើញនិងបង្ហាញ នូវវប្បធម៌ពីគ្នាទៅវិញទៅមកផង។
លោក Sowat Kaew Sook ថ្លែងយ៉ាងដូច្នេះ ៖ «ឲ្យគាត់បានជួបចរចា គ្នាជាមួយប្រជាកសិករថៃ ហើយក៏បានប្ដូរបទពិសោធន៍ ទៅមើលកន្លែងដាំដុះស្រូវ ដាំបន្លែ ចិញ្ចឹមជ្រូក គោ»។
លោក ឈឹម ស៊ីវុធ ជំនួយការរបស់អភិបាលខេត្តឧត្តរមានជ័យ បានមានប្រសាសន៍ថា តបតាមការអញ្ជើញនេះ បន្ទាប់ពីមានការយល់ព្រមពីក្រសួងមហាផ្ទៃនៃប្រទេសកម្ពុជា សាលាខេត្តឧត្តរមានជ័យ បានចាត់ឲ្យអភិបាលក្រុងសំរោងជាអ្នកដឹកនាំគណៈប្រតិភូនិងតំណាង ប្រជាកសិករខ្មែរទៅទស្សនកិច្ចនៅខេត្តសុរិន្ទ។
លោក ថុន ណុល អភិបាលក្រុងសំរោង បានមានប្រសាសន៍ថា មន្ត្រីខេត្តសុរិន្ទបានរៀបចំឲ្យប្រតិភូខ្មែរទៅមើលកន្លែងត្បាញ ក្រណាត់និងត្បាញសូត្រនៅខេត្តសុរិន្ទបន្តទៅទៀត។
គេមានគម្រោងនាំទៅមើលការចិញ្ចឹមដំរីរបស់ជនជាតិកួយ ទៅទស្សនារូបភាពក្នុងសារមន្ទីរ ទៅមើលការដុតធ្យូងដោយមានប្រសិទ្ធភាពខ្ពស់និងទៅទស្សនាសាកល វិទ្យាល័យបច្ចេកទេសជាន់ខ្ពស់មួយ។
មន្ត្រីដដែលបានមានប្រសាសន៍ថា ដំណើរទស្សនកិច្ចសិក្សាស្តីពីកសិកម្មទៅកាន់ខេត្តសុរិន្ទនេះនឹង ចាប់ផ្តើមចេញដំណើរនៅថ្ងៃទី២៥ខែកញ្ញា ៖ «ម្យ៉ាងដែរ ព្រោះពេលដែលយើងពិភាក្សាគ្នាអំពីការប្រើប្រាស់ជី ឃើញថាតំណាងខាងយើងនេះមានកម្លាំងកសិករ ក៏មានតំណាងលោកប្រធានមន្ទីរកសិកម្មខេត្តគាត់អញ្ជើញចូលរួមដែរ អ៊ីចឹងគាត់នឹងធ្វើការប្ដូរយោបល់ពីរូបភាពជាក់ស្ដែងនៃកសិកររបស់ យើង»។
មន្ត្រីស្ថានទូតថៃប្រចាំកម្ពុជា បានមានប្រសាសន៍ឲ្យដឹងថា នេះជាលើកទី២ហើយ ដែលមន្ត្រីខេត្តសុរិន្ទរបស់ថៃបានអញ្ជើញមន្ត្រីខេត្តឧត្តរមាន ជ័យនិងកសិករខ្មែរឲ្យទៅធ្វើទស្សនកិច្ចសិក្សាស្តីពីកសិកម្មនៅ ខេត្តសុរិន្ទនោះ។
កាលពីឆ្នាំមុន ខេត្តសុរិន្ទរបស់ថៃបានអញ្ជើញកសិករខ្មែរចំនួន៣០នាក់ទៅធ្វើ ទស្សនកិច្ចស្តីពីកសិកម្មម្តងមកហើយ ដែលមន្ត្រីថៃនិយាយថា ទស្សនកិច្ចកាលពីឆ្នាំមុនបានធ្វើឲ្យគេទទួលបានបទពិសោធន៍និង ជោគជ័យយ៉ាងច្រើន៕
……………………………………………………………………
Copyright © 1998-2009 Radio Free Asia. All rights reserved.
លោក មាស រដ្ឋា ជំទប់ទី២ សង្កាត់ប្រាសាទ បានមានប្រសាសន៍ប្រាប់វិទ្យុអាស៊ីសេរីនៅព្រឹកថ្ងៃ២៣ ខែកញ្ញា ថា ការជួសជុលផ្លូវលំមួយខ្សែមានបណ្តោយ១.៨៣៨ម៉ែត្រ ស្ថិតក្នុងភូមិប្រាសាទ សង្កាត់ប្រាសាទ ក្រុងបាវិត ដែលប្រើប្រាស់ថវិកាមូលនិធិរបស់សង្កាត់នោះ ត្រូវបានភាគីខាងវៀតណាមហាមឃាត់ដោយពុំបញ្ជាក់ពីមូលហេតុអ្វីឡើយ។
លោក មាស រដ្ឋា បានឲ្យដឹងថា ៖ «ខ្ញុំទទួលបានដំណឹងកាលពីថ្ងៃ ទី៩ ខែកញ្ញាហ្នឹង គណៈកម្មការនិងអាចារ្យប្រចាំនៅវត្តប្រាសាទហ្នឹង គាត់បកប្រែលិខិតរបស់វៀតណាម គេប្រាប់ ខ្ញុំក៏បានទូរស័ព្ទទៅលោកប្រធាននៅបាវិតហ្នឹង ឲ្យគាត់ជម្រាបទៅខាងវីអូអេនិងអាស៊ីសេរី ដើម្បីឲ្យលោកជួយផ្សព្វផ្សាយឲ្យលោកនាយករដ្ឋមន្រ្តី ហ៊ុន សែន គាត់ដឹងផងថា តើដីខ្មែរឬក៏ដីយួនដែលយួនចេញបញ្ជាមិនឲ្យធ្វើនេះ? ខ្ញុំជឿជាក់ថា ដីនេះពិតជាដីរបស់ខ្មែរមែន ពីព្រោះយើងធ្វើនៅខាងលិចបង្គោលលាក់ដែលកំពុងតែចាក់រាល់ថ្ងៃនេះ ចម្ងាយប្រហែលជា៨០ម៉ែត្រ»។
ស្រ្តីឈ្មោះ ចាន់ ថា ប្រជាពលរដ្ឋរស់នៅក្នុងភូមិប្រាសាទ សង្កាត់ប្រាសាទ ក្រុងបាវិត ខេត្តស្វាយរៀង បានមានប្រសាសន៍ថា ផ្លូវលំមួយខ្សែនេះគឺជាផ្លូវចាស់មានស្រាប់តាំងពីយូរយារណាស់មក ហើយ តែមានការខូចខាតតែអាជ្ញាធរវៀតណាមបានមកហាមឃាត់មិនឲ្យធ្វើតទើប ប្រជាពលរដ្ឋក្នុងសង្កាត់សំណូមពរឲ្យក្រុមប្រឹក្សាសង្កាត់ធ្វើការ ជួសជុល។
អ្នកស្រី ចាន់ ថា បានបញ្ជាក់ថា ៖ «ផ្លូវអស់ហ្នឹងវាដាច់ ផ្លូវគេរកស៊ី ផ្លូវធំ ហើយដល់ពេលធ្វើទៅស្រាប់តែវៀតណាមគេលែងឲ្យលើក វាអត់ត្រឹមត្រូវ ព្រោះដីខ្មែរយើង»។
មិនអាចទាក់ទងសុំការបំភ្លឺពីអាជ្ញាធរព្រំដែនវៀតណាមបានទេនៅ ថ្ងៃ២៣ កញ្ញានេះ។ ចំណែកអ្នកនាំពាក្យស្ថានទូតវៀតណាមប្រចាំនៅកម្ពុជា លោក ទ្រិញ បាកឹម ក៏ពុំអាចទាក់ទងសុំការពន្យល់បានដែរ។ ប៉ុន្តែលោក កែវ ឈាន ចៅសង្កាត់ប្រាសាទ មានប្រសាសន៍ថា លោកកំពុងទាក់ទងជាមួយអាជ្ញាធរព្រំដែនវៀតណាមនិងអាជ្ញាធរស្រុក ចាំងបាងនៃខេត្តតៃនិញដើម្បីពន្យល់ពួកគេពីបញ្ហានេះ។
លោក ឈូក បណ្ឌិត អភិបាលក្រុងបាវិត បានបដិសេធព័ត៌មានដែលថា អាជ្ញាធរវៀតណាមហាមឃាត់ការកសាងផ្លូវក្នុងដែនដីដែលលោកគ្រប់គ្រង។
លោក ឈូក បណ្ឌិត បានមានប្រសាសន៍ថា ៖ «យើងអត់មានធ្វើផ្លូវណា កាត់ព្រំដែននោះទេ យើងមានតែធ្វើផ្លូវនៅក្នុងនេះយើង អត់មាននរណាមកឃាត់ផង មាននរណាមកឃាត់នៅក្នុងទឹកដីយើង»។
តាមរបាយការណ៍ស្តីពីការងាររបស់រាជរដ្ឋាភិបាលប្រចាំឆ្នាំ២០០៨ អំពីការងារព្រំដែនជាមួយប្រទេសជិតខាងបានបង្ហាញថា ក្រុមបច្ចេកទេសចម្រុះកម្ពុជា-វៀតណាមបានចុះធ្វើការខណ្ឌសីមានិងបោះ បង្គោលព្រំដែនគោកលើដីជាក់ស្តែងបានចំនួន៥៦ទីតាំងស្មើនឹង៦៩ បង្គោល៕
……………………………………………………………………
Copyright © 1998-2009 Radio Free Asia. All rights reserved.